Manifestazioa; Gerra inperialistarik ez! Antifa
No a la guerra, otra vez Martxoaren 26an Larunbata, 18:00etan
Arriaga Plazatik (Bilbo * Bizkaia)
Askapena, Ekologistak Martxan, Kakitzat, Kem/Moc, Komite internazionalistak, Sare Antifaxista.
Gerra inperialistarik ez !. Ekialdeko potentziek NBEren agindupean Libian buruturiko eraso militarren aurrean, Askapena, Ekologistak Martxan, Kakitzat, KEM-MOC, Komite Internazionalistak eta Sare antifaxista taldeok honakoa adierazi nahi dugu:
- Europar Batasuneko estatuek eta AEBek NBEren oniritzi hipokritarekin hasitako gerra salatzen dugu. Gatazkaren soluzio-bide honen ondorioak, beti bezala, populazio zibilak bere heriotza, sarraski eta miseriarekin ordainduko baititu.
-Lehenagotik estatu hauek gatazka honetan edukitako jokabidea salatzen dugu, zeinetan interes ekonomiko eta geo-estrategikoak estatu hauek defendatzen omen dituzten bake eta demokraziaren gainetik jarriak izan diren. Zentzu honetan, espainiar estatuaren jokabidea azpimarratu nahi dugu, 2010eko lehen seihilekoan 6.8 milioi eurotan baloratutako material militarra esportatu baitzuen Libiara. Gertuko adibide da, baita ere ITP euskal enpresa, iaz Libiarekin hegazkin militarren mantenu eta konponketarako lankidetza akordioa sinatu zuena.
-Aurreko eraso batzuk (Irak, Afganistán) gogorarazten dituen eta helburutzat energia iturrien gaineko(gasa, petroleoa) interes ekonomikoen kontrola mantentzea duen eta berriro ere eraso inperialista gisa datorren nazioarteko esku-sartze hau salatzen dugu. Epe motzerako pentsaera arduragabez baliabide naturalen espoliazioan oinarritutako kontsumo eredu kapitalista defendatzeko gerra da hau.
Jendarte zibilari dei egiten diogu hau guztia sala dezan hurrengo larunbatean, martxoaren 26an, 18:00tan Bilboko Arriaga Plazatik abiatuko den manifestazioan.
